श्री हनुमान चालीसा

श्री हनुमान चालीसा – Lyrics 2026

दोहा

श्रीगुरु चरन सरोज रज , निजमन मुकुरु सुधारि।

बरनउं रघुबर बिमल जसु, जो दायक फल चारि।।

बुद्धिहीन तनु जानिके, सुमिरौं पवन-कुमार।

बल बुधि बिद्या देहु मोहिं, हरहु कलेस बिकार।।

चौपाई

जय हनुमान ज्ञान गुन सागर।
जय कपीस तिहुं लोक उजागर।।
राम दूत अतुलित बल धामा।
अंजनि-पुत्र पवनसुत नामा।।
महाबीर बिक्रम बजरंगी।
कुमति निवार सुमति के संगी।।
कंचन बरन बिराज सुबेसा।
कानन कुण्डल कुँचित केसा।।
हाथ बज्र औ ध्वजा बिराजे।
कांधे मूंज जनेउ साजे।।
शंकर सुवन केसरी नंदन।
तेज प्रताप महा जग वंदन।।
बिद्यावान गुनी अति चातुर।
राम काज करिबे को आतुर।।
प्रभु चरित्र सुनिबे को रसिया।
राम लखन सीता मन बसिया।।
सूक्ष्म रूप धरि सियहिं दिखावा।
बिकट रूप धरि लंक जरावा।।
भीम रूप धरि असुर संहारे।
रामचन्द्र के काज संवारे।।
लाय सजीवन लखन जियाये।
श्री रघुबीर हरषि उर लाये।।
रघुपति कीन्ही बहुत बड़ाई।
तुम मम प्रिय भरतहि सम भाई।।
सहस बदन तुम्हरो जस गावैं।
अस कहि श्रीपति कण्ठ लगावैं।।
सनकादिक ब्रह्मादि मुनीसा।
नारद सारद सहित अहीसा।।
जम कुबेर दिगपाल जहां ते।
कबि कोबिद कहि सके कहां ते।।
तुम उपकार सुग्रीवहिं कीन्हा।
राम मिलाय राज पद दीन्हा।।
तुम्हरो मंत्र बिभीषन माना।
लंकेश्वर भए सब जग जाना।।
जुग सहस्र जोजन पर भानु।
लील्यो ताहि मधुर फल जानू।।
प्रभु मुद्रिका मेलि मुख माहीं।
जलधि लांघि गये अचरज नाहीं।।
दुर्गम काज जगत के जेते।
सुगम अनुग्रह तुम्हरे तेते।।
राम दुआरे तुम रखवारे।
होत न आज्ञा बिनु पैसारे।।
सब सुख लहै तुम्हारी सरना।
तुम रच्छक काहू को डर ना।।
आपन तेज सम्हारो आपै।
तीनों लोक हांक तें कांपै।।
भूतपिसाच निकट नहिं आवै।
महाबीर जब नाम सुनावै।।
नासै रोग हरे सब पीरा।
जपत निरन्तर हनुमत बीरा।।
संकट तें हनुमान छुड़ावै।
मन क्रम बचन ध्यान जो लावै।।
सब पर राम तपस्वी राजा।
तिन के काज सकल तुम साजा।।
और मनोरथ जो कोई लावै।
सोई अमित जीवन फल पावै।।
चारों जुग परताप तुम्हारा।
है परसिद्ध जगत उजियारा।।
साधु संत के तुम रखवारे।
असुर निकन्दन राम दुलारे।।
अष्टसिद्धि नौ निधि के दाता।
अस बर दीन जानकी माता।।
राम रसायन तुम्हरे पासा।
सदा रहो रघुपति के दासा।।
तुह्मरे भजन राम को पावै।
जनम जनम के दुख बिसरावै।।
अंत काल रघुबर पुर जाई।
जहां जन्म हरिभक्त कहाई।।
और देवता चित्त न धरई।
हनुमत सेइ सर्ब सुख करई।।
संकट कटै मिटै सब पीरा।
जो सुमिरै हनुमत बलबीरा।।
जय जय जय हनुमान गोसाईं।
कृपा करहु गुरुदेव की नाईं।।
जो सत बार पाठ कर कोई।
छूटहि बन्दि महा सुख होई।।
जो यह पढ़ै हनुमान चालीसा।
होय सिद्धि साखी गौरीसा।।
तुलसीदास सदा हरि चेरा।
कीजै नाथ हृदय महं डेरा।।

दोहा

पवनतनय संकट हरन, मंगल मूरति रूप।

राम लखन सीता सहित, हृदय बसहु सुर भूप।।

Shri Hanuman Chalisa

Doha

Shri Guru charan saroj raj, nij man mukuru sudhaari।
Baranau Raghuvar bimal jasu, jo daayak phal chaari।।

Buddhiheen tanu jaanike, sumirau Pavan Kumar।
Bal buddhi vidya dehu mohi, harahu kalesh vikaar।।

Chaupai

Jai Hanuman gyan gun saagar।
Jai Kapis tihun lok ujaagar।।

Ram doot atulit bal dhaama।
Anjani-putra Pavan sut naama।।

Mahabir vikram Bajrangi।
Kumati nivar sumati ke sangi।।

Kanchan varan viraaj subesa।
Kaanan kundal kunchit kesa।।

Haath bajra aur dhwaja viraaje।
Kaandhe moonj janeu saaje।।

Shankar suvan Kesari nandan।
Tej prataap maha jag vandan।।

Vidyavaan guni ati chatur।
Ram kaaj karibe ko aatur।।

Prabhu charitra sunibe ko rasiya।
Ram Lakhan Sita man basiya।।

Sookshma roop dhari Siyahi dikhava।
Vikat roop dhari Lanka jarava।।

Bheem roop dhari asur sanhaare।
Ramchandra ke kaaj sanvaare।।

Laay sajeevan Lakhan jiyaaye।
Shri Raghubeer harashi ur laaye।।

Raghupati keenhi bahut badaai।
Tum mam priya Bharat-hi sam bhai।।

Sahas badan tumharo jas gaave।
As kahi Shripati kanth lagaave।।

Sanakaadik Brahmaadi muneesa।
Narad Sarad sahit Aheesa।।

Yam Kuber Digpaal jahan te।
Kabi kobid kahi sake kahan te।।

Tum upkaar Sugreevahin keenha।
Ram milaye raj pad deenha।।

Tumharo mantra Vibhishan maana।
Lankeshwar bhaye sab jag jaana।।

Jug sahasra yojan par bhaanu।
Leelyo taahi madhur phal jaanu।।

Prabhu mudrika meli mukh maahi।
Jaladhi langhi gaye acharaj naahi।।

Durgam kaaj jagat ke jete।
Sugam anugrah tumhare tete।।

Ram duaare tum rakhvaare।
Hot na aagya binu paisaare।।

Sab sukh lahai tumhaari sarna।
Tum rakshak kaahu ko dar na।।

Aapan tej samhaaro aapai।
Teeno lok haank te kaanpai।।

Bhoot pisaach nikat nahi aavai।
Mahaveer jab naam sunaavai।।

Naasai rog harai sab peera।
Japat nirantar Hanumat beera।।

Sankat te Hanuman chhudaavai।
Man kram vachan dhyaan jo laavai।।

Sab par Ram tapasvi raaja।
Tin ke kaaj sakal tum saaja।।

Aur manorath jo koi laavai।
Soi amit jeevan phal paavai।।

Chaaron jug partaap tumhaara।
Hai prasiddh jagat ujiyaara।।

Sadhu sant ke tum rakhvaare।
Asur nikandan Ram dulaare।।

Ashta siddhi nau nidhi ke daata।
As var deen Janki maata।।

Ram rasayan tumhare paasa।
Sada raho Raghupati ke daasa।।

Tumhare bhajan Ram ko paavai।
Janam janam ke dukh bisraavai।।

Ant kaal Raghuvar pur jaai।
Jahan janam Hari bhakt kahaai।।

Aur devta chitt na dharai।
Hanumat se hi sarb sukh karai।।

Sankat katai mitai sab peera।
Jo sumirai Hanumat balbeera।।

Jai Jai Jai Hanuman Gosai।
Kripa karahu Gurudev ki naai।।

Jo sat baar paath kar koi।
Chhootahi bandi maha sukh hoi।।

Jo yah padhe Hanuman Chalisa।
Hoy siddhi saakhi Gaurisa।।

Tulsidas sada Hari chera।
Keejai Naath hriday mah dera।।

Doha

Pavan tanay sankat haran, mangal moorti roop।
Ram Lakhan Sita sahit, hriday basahu sur bhoop।।